Senator Robin Padilla, gintawag nga mahina ang mga kabataan sa subong nga henerasyon

Gintawag ni Senator Robin Padilla nga mahina ang kabataan sa subong nga henerasyon.

Ginpaanggid pa niya ini sa iya henerasyon sadto nga suno sa iya, indi uso ang tinaga nga “depression.”

Nahibaluan nga ang depression ang madugay na nga naga-eksister apang masami nga wala ginakilala ukon na-stigmatize sadto pa.

Ang mga eksperto nagasiling nga ang pagtaas sang awareness subong ang nagpahapos para sa mga indibidwal nga magpangayo sang bulig kag makabaton sang insakto nga diagnosis.

Bangud sa nangin pahayag sang senador, nagtuga ini sang diskusyon sa kadam-an nga may yara sang mga ginpakigbahin nga opinyon nahanungod sa issue.