Magapabilin sa Philippine National Police General Hospital sa Camp Crame sa indi magnubo sa duha ka adlaw si Senator Rodante Marcoleta agud magpaidalom sa maid-id nga medical examination antes isaylo sa detention facility.
Suno kay DILG Secretary Juanito Victor Remulla, ginapaidalom sa nagkalain-lain nga medical procedures ang senador agud mahibaluan kun nagakabagay ini sa detention kasunod sang iya pagkadakop.
Ginpahayag man sini nga ang tanan nga medical examinations para kay Marcoleta ginalauman nga matapos sa sulod sang masunod nga duha ka adlaw, pagkatapos sini ang kumpleto nga health report igasumite sa Sandiganbayan.
Ginpasalig naman ni Remulla nga respetuhon sang mga otoridad ang kinamatarong sang senador samtang ginapatigayon ang mga kinahanglanon nga proseso.
Ginhatagan man sini sang importansya nga matinahuron kag wala sang tuyo nga pakahuy-an ang senador ang pagpatuman sang pag-aresto kay Marcoleta.
