-- ADVERTISEMENT --
ROXAS CITY – Dakop ang ginakabig nga wanted person matapos ginserbihan sang warrant of arrest sa Pueblo de Panay, Brgy. Lawa-an, Roxas City.
Ginkilala ang akusado kay alyas Eduard, 60-anyos nga residente sang Purok 1, Brgy. Libas sini nga syudad.
Sa impormasyon nga nagikan sa Roxas City PNP, nagapangatubang sa kaso nga Homicide ang akusado.
Samtang ang warrant of arrest ang ginpapanaog kag ginpirmahan ni Presiding Judge Lorencito Belo Diaz, sang Regional Trial Court, Branch 17, Roxas City, nga napetsahan sadtong Hulyo 29, 2024.
Ginrekomendar naman sang korte ang P120,000 nga piyansa para sa temporaryo sini nga kahilwayan.
-- ADVERTISEMENT --
Sa karon, yara sa kustodiya sang Roxas City PNP ang akusado para sa nagakaigo nga disposisyon.
