Ginbawi suno ni South Korean President Yoon Suk Yeol ang nakatalana nga pagbisita sini sa National Assembly nga kun sa diin nagapangatubang ini sa impeachment proceedings matapos mapaslawan ang pagtangka sini nga pagpatuman sang martial law matapos gilayon man nga ginbawi sang gab-i sang tinalikdan nga adlaw sang Martes, Disyembre 3.
May mga naglutawan nga indi kumpirmado nga reports nga magapadulong ang SoKor president sa parliament para magpangayo sang pasaylo kag magbuya sa pwesto.
Apang gilayon naman ini nga ginpanginwala sang Presidential Office kag ginsiling nga wala sang plano si Pres. Yoon nga magpadulong sa National Assembly.
Sa pihak sini, nagapabilin naman sa sulod sang establishimento ang members of Parliament nga nakatindog kag nakaharang nga may hawid nga placards kag nagasiyagit sang impeach samtang dako nga grupo sang mga akig nga opposition lawmakers ang nag-ululupod sa entrance sang national assembly.
Kun makapanaog sa pwesto ukon ma-impeach si Yoon, pagasuspendihon ini samtang nakabinbin ang hatol sang Constitutional Court nga kinahanglan nga magdesisyon sa sulod sang 180 ka adlaw.
Samtang, si SoKor Prime Minister Han Duck-soo ang nagatindog nga acting president kun suspendihon si Pres. Yoon.
