Nagpatigayon sang State of the Nation’s minimum wage ang National Wage Coalition isa ka semana antes ang nakatalana nga ikatatlo nga State of the Nation Address (SONA) ni Presidente Ferdinand Marcos Jr.
Ang National Wage Coalition ang ginakabug-usan sang Trade Union Congress of the Philippines (TUCP), Nagkaisa Labor Coalition BMP, Kilusang Mayo Uno kag iban pa nga mga labor groups.
Antes ang ila nga State of the Nation’s minimum wage, nagpatigayon anay sang hublag-protesta ang grupo sa atubang sang talatapan sang TUCP sa Quezon City agud ipanawagan nga sertipikahan sang urgent ni Presidente Marcos ang mga gintingub nga wage proposals sa House of Representatives.
Ginpakamalaot sang mga ini si House Speaker Martin Romualdez kag gintawag nila nga obstructionist bangud wala sang paghulag ang mga wage proposal sa idalom sang iya nga pagpamuno.
Suno pa diri nga kun sa Senado, nakapasa na sa third reading ang wage bill, samtang nagapabilin ini nga naka-pending sa Kamara.
Ginpahayag sang grupo nga indi bastante ang Php35 nga ginpatuman nga wage increase sa Metro Manila bangud ginkaon na ini sang tuman ka mahal nga presyo sang bugas, asud-asod nga pagtaas sa balayran sa kuryente kag mga bulong. Ang gintawag nila nga one week of action ang ginakalakipan sang mga noise barrage, street protest kag iban pa.
