Napilian mangin flag-bearer ang double medalist nga si Jeus Yape sang Pilipinas sa closing ceremony sang 20th Asian Games.
Gin-anunsyo sang Philippine Olympic Committee ang pagpili kay Yape sa closing ceremony nga pagahiwaton alas-5 sang hapon subong nga adlaw.
Ginpahayag ni POC President Abraham Tolentino nga nagakadapat nga mangin flag bearer ang 22 anyos nga taekwondo jin.
Isa man ini ka pagkilala suno sa iya indi lamang para kay Jeus kundi para man sa sport nga taekwondo nga nagdaug sang pinakauna nga gold medal sa Asian Games humalin sang 1994.
Matandaan nga nagdaug si Yape batok sa Vietnam nga si Chau Ngoc Tuyet Sang sa individual virtual taekwondo.
Makaupod ni Yape sa Closing ceremony ang kaupod man niya nga Asian Games silver medalists nga si Juliana Mykhail Candelaria sa Taekwondo, Tachiana Keizha Mangin sa Taekwondo, Kurt Bryan Barbosa sa Taekwondo, kag Carlo Paalam sang Boxing.
