ROXAS CITY – Ginsabat sang Market Administrator sang Teodoro Arcenas Trade Center (TATC) ang liwat nga reklamo sang mga nagakadto sa nasambit nga merkado-publiko sa nagatumpok nga basura nga ginaalegar wala sang naga kolekta.
Suno kay Heloise Mendoza, Market Administrator sang TATC, nga may ara sang tatlo (3) ka mga gindesignar nga oras kada adlaw nga magkolekta sang basura ang mga garbage truck collector.
Ini ang alas 5:30 – 6:00 sa aga, 9:00 – 9:30 sa aga kag 2:00 – 2:30 sa hapon.
Ang problema nga nakikita ni Mendoza amu ang indi responsable nga paghaboy sang pila ka mga vendor kag ang ginaalegar paghaboy sang kaiping nga mga Barangay sang ila basura sa amu nga merkado.
Naga panugyan ang nasambit nga Administrador sang kooperasyon kag mangin responsable nalang sa paghimus sang ila basura kag paghaboy sa insakto nga mga halabuyan agud matapos na ang kaangay sini nga concern nga madugay na nga problema sa lipunan.
Ginpanidugan man sini nga wala nagkulang ang mga personnel sang TATC sa pagpahanumdom sa mga indibidwal sang naga kadapat nga buluhaton sa merkado – publiko.
