Dakop ang tatlo ka persona sa ginkasa nga drug buy-bust operation sa Barangay Cabugao, Roxas City,
Ang mga subject person amo sanday alyas Mark, 36 anyos, alyas Ian , 46 anyos, nga lunsay residente sang Brgy. Cabugao, Roxas City; kag alyas Ria, 20 anyos kag residente sang Calitan, Panay, Capiz.
Sandig sa impormasyon nga nakuha sang Bombo Radyo sa Roxas Component City Police Station,ginpatigayon ang nasambit nga operasyon sa bulig sang Capiz Police Provincial Drug Enforcement Unit (PPDEU).
Nakumpiskar sa operasyon ang apat ka heat-sealed plastic sachet nga ginapatihan shabu nga may kabug-aton nga ginabulubanta nga 17 gramos kag may standard drug price nga nagalambot sa ₱115,600.
Sa subong, yara na sa kustodiya sang Roxas Component City Police Station ang mga subject person kag magapangatubang sang kaso nga paglapas sa Republic Act 9165 ukon Comprehensive Dangerous Drugs Act of 2002.
