Nakuha sang team Capiz ang Tatlo ka sunod-sunod nga kampeonato sa Regional Rescuelympics 2026 nga ginhiwat sa Probinsya sang Antique sang Hulyo 26 tubtob 28.
lakip man sa nakuha sang team amo ang mga awards nga Champion Obstacle Course, Best Runtime Award, Best in Uniform, Most Disciplined Award, Best in High Angle Rescue Award, Best in Patient Management Award kag 2nd Place Static Display.
Sa interview sang Bombo Radyo kay Atty. Shiela Artillero, head sang Provincial Disaster Risk Reduction and Management Office (PDRRMO-CAPIZ), iya ginpahayag nga ng amo nga kadalag-an nagapakita sang mataas nga lebel sang kahandaan, disiplina, kag abilidad sang Team Capiz sa pagresponde sa mga kalamidad kag emerhensya.
Ginpahayag man sini nga ang mga sa Rescuelympics ginakalakipan sang mga rescue scenario sa duta kag katubigan, agud mas mapaayo pa ang kahimtangan kag abilidad sang mga responders sa nagkalain-lain nga sitwasyon.
Nahibaluan nga ang kompetisyon ang ginpasakupan sang mga emergency responders halin sa Aklan, Antique, Capiz, Iloilo, kag Guimaras, upod man ang mga team sang Philippine National Police (PNP), Philippine Coast Guard (PCG), Federation Fire Brigade, kag nagkalain-lain nga Municipal Disaster Risk Reduction and Management Offices (MDRRMOs).
