Gin-utod sang Team Falcons ang wala pa sang kapierdehan nga record sang Team Liquid sa MPL Philippines Season 17.
Sa amo nga engkwentro, nakahimo sang impresibo nga reverse sweep ang Team Falcons matapos sila mapirde sa una nga hampang, apang nagbalik kag nagdaog sa sunod nga duha ka hampang para maagaw ang serye, 2-1.
Nanguna sa pagbangon sang Falcons si jungler Michael “Kyle” Sayson nga nagpakita sang wala gid sang kapierdehan nga performance sa Game 2 kag Game 3, nga daku ang nabulig sa ila comeback.
Antes sini, gin-dominar anay sang Team Liquid ang Game 1 bangud sa mabaskog nga performance sang ila midlaner nga si Alston “Sanji” Pabico nga naghatag sang momentum sa ila koponan.
Apang nagbag-o ang dagan sang duwa sang nagbalik ang Falcons sa Game 2 kag Game 3, kun sa diin ginlampos nila ang Team Liquid paagi sa mas maayo nga team fights kag koordinasyon tubtob makuha ang kadalag-an.
Bangud sini nga resulta, naputol ang winning streak sang Team Liquid kag nakuha sang Team Falcons ang ila ika-walo nga daog sa liga samtang padayon sila nga nagapabaskog sang ila kampanya sa MPL Philippines.
