ROXAS CITY – Masobra isa ka libo ka mga frankisa pa lamang ang na-aprubahan sang Tricycle Franchising and Regulatory Unit (TFRU) sa nagapadayon renewal sang franchise sa Roxas City hall.
Sa nakuha nga impormasyon sang Bombo Radyo news team may yara sang 64 ka mga frankisa ang ginkansela bangud may yara sang tag-duha ukon tatlo ka mga prangkisa ang ginapang-iyahan sang isa lamang ka operator.
Sandig sa Article 16 sang Ordinance No. 084-2019 ukon ang Tricycle Franchising and Regulatory Ordinance nga indi mahimu makakuha sang masobra sa isa ka prankisa ang operator.
Matandaan nga may yara sang 3mil 500 ka mga prangkisa ang ginpanghatag sang syudad nga magserbe nga palangabuy-anan sang mga pumuluyo sang syudad.
Pag-abot naman sa special franchise may yara sang 500 ka mga prangkisa ang ginpanghatag para sa mga operators nga luyag magbiyahe kun gab-i, samtang 158 diri ang nakansela bangud sa wala makarenew sang ila nga prangkisa.
Sa karon nagapanawagan ang TFRU sa mga tricycle operators kag drivers nga kun mahimu magproseso na sa mga requirements sa pagparenew sang ila mga prangkisa.
Mahibaluan nga kada bulan sang Enero ang pagrenew sang mga prangkisa sang mga trisikol sa syudad sang Roxas.
