Gintambakan sang Oklahoma City Thunder ang Denver Nuggets sa Game 2 sang ila Western Conference semifinals sa score nga 149-106.
Ginpangunahan sang guard nga si Shai Gilgeous-Alexander ang kadalag-an sang Thunder matapos makahimu sang 34 points, apat ka rebounds kag walo ka assists.
Walo ka mga humalampang gikan sa team ang naka-iskor man sa doble nga numero sa bug-os nga hampang.
Magluwas sang franchise single-game playoff scoring record sang Thunder, napatas man sini ang serye sa 1-1.
Ginpangunahan naman ni Russel Westbrook ang Nuggets matapos makahimu sang 19 points samtang 14 points ang nabulig ni Jamal Murray kag 10 points naman ang naghalin kay Aaron Gordon.
Sa kapierdihan sang Nuggets, nakakuha lamang sang 17 puntos, walo ka rebounds kag 6 ka assists ang 3-time NBA MVP nga si Nikola Jokic samtang 14 puntos naman ang nakaamot sang guard nga si Jamal Murray.
Ang duha ka Denver stars nagtinguha nga makabawi sini sa ika-2 nga katunga sang hampang, apang wala nagpasugot ang OKC.
Samtang ang Games 3 kag Game 4 ang patigayunon sa homecourt sang Nuggets samtang ang Game 5 ang magabalik sa homecourt sang Thunder.
