July 2025 – Gindeklara sang Supreme Court nga unconstitutional ang Articles of Impeachment batuk kay Vice President Sara Duterte.
February 2026 – Tatlo ka mga impeachment complaints ang gin-file batuk kay Duterte – duha diri ang gin-file sa pareho nga adlaw, Pebrero 2 sang Makabayan coalition kag allied groups samtang ang Tindig Pilipinas, religious groups, mga pari kag abogado ang nag-file sang ika-tatlo nga impeachment complaint sang Pebrero 9.
February 18 – Gin-file ang ika-apat nga impeachment complaint batuk sa bise president sa kapareho nga grounds.
Sang amo man nga adlaw, gin-anunsyo mismo ni Vice President Duterte nga magapadalagan siya bilang Presidente sa 2028 national elections, kag ginpahayag nga pamulitika ang mga imbestigasyon batuk sa iya kag ang mga akusasyon ang para lamang nga gub-on ang iya reputasyon.
March 2 – Nakitaan sang House Committee on Justice sang “sufficient in form” ang duha ka mga impeachment complaints.
Gin-withdraw sang Tindig Pilipinas ang ika-duha nga impeachment complaint kag nagdesisyon nga suportahan na lang ang ika-tatlo nga impeachment nga naga-unod sang pareho nga grounds sa ila nga complaint.
Pila ka adlaw nagligad, Marso 4, nakitaan sang House Justice Committee ang impeachment complaints nga “sufficient in substance.”
Nakit-an naman nga “sufficient in grounds” ang reklamo sang Marso 18.
Pagkatapos sang proper hearing, Mayo 4 sang uninamous nga gin-approve sang House panel ang committee report nga naga-set forth sang Articles of Impeachment batuk kay Vice President Duterte. Ini nangin palaagyan kag gindala sa plenary vote.
Sang Mayo 11, nagboto ang House of Representatives sang 257-25-9 agud ma-impeach si Duterte sa alegasyon nga culpable violation sang 1987 Constitution, graft and corruption, betrayal of public trust, bribery kag iban pa nga high crimes.
Duha ka adlaw ang nagligad, Mayo 13, sang nag-abot ang Articles of Impeachment batuk kay Duterte sa Senado kadungan sang tension sa upper chamber sang gab-i.
Subong nga adlaw, Hunyo 6, amo ang pagbukas sang Senado sa impeachment trial batuk kay Vice President Duterte sa diin ang mga nagapungko nga senador amo ang mangin judge sa four articles nga ginalakipan sang confidential funds, unexplained wealth, corruption kag pagpamahog batuk sa mga government leaders.
Nahibaluan nga si Sara Duterte ang ika-15 nga bise presidente sang Pilipinas kag ang pinakabata nga na-eleher sa amo nga posisyon.
Siya ang nagpungko sa posisyon sang Hunyo 2022 sa edad nga 44.
Kilala si Duterte bilang si ‘Inday Sara’, kag siya ang ika-duha nga anak ni former President Rodrigo Duterte sa ex-wife sini nga si Elizabeth Zimmerman.
