Uyat na sang TNT Tropang Giga ang 2-0 nga abanse matapos ginlampaso ang Barangay Ginebra 96-84 sa ila nga best- of-seven Finals sang PBA Governors Cup.
Nagpanguna sa kadalag-an sang TNT si Rondae Hollis-Jefferson nga naglista sang 37 points, 13 rebounds , pito nga assists, isa ka steal kag isa ka block sa hampang nga ginhiwat sa Araneta Coliseum.
Nag-amot naman sang 13 points kag 14 rebounds si Calvin Oftana, samtang may 13 points si Glenn Khobuntin.
Ginkalipay naman ni TNT head coach Chot Reyes ang ila kadalag-an bangud wala sang may gin-uyang nga oportunidad ang iya nga mga player para madaog ang hampang.
Nalimitahan lamang sa 19 points si Justin Brownlee samtang may yara sang 18 points si Scottie Thompson kag tig-11 points sanday Stephen Holt kag Japeth Aguilar para sa Gins.
