DUMARAO, CAPIZ – Arestado ang Top 2 Most Wanted Person sang Capiz bangud sa kaso sini nga rape kag acts of lasciviousness sa Población Ilawon, Dumarao, Capiz.
Ini pinaagi sa Dumarao Municipal Police Station kag sa suporta sang 2nd Capiz Provincial Mobile Force Company, Capiz Police Intelligence Unit, PIT-Capiz, kag sang Regional Intelligence Unit 6 sa idalom sang supervision ni Police Colonel Albert Tapulao, ang Provincial Director sang Capiz Police Provincial Office.
Ginserbehan sang warrant of arrest ang suspek bangud sa rape sa idalom sang Article 266-A sang Revised Penal Code, sa diin wala ini sang ginarekomenda nga pyansa.
Nagapangatubang man ang suspek sang kaso nga paglapas Section 5(b), Article III sang Republic Act No. 7610, ukon ang Special Protection of Children Against Abuse, Exploitation, and Discrimination Act, lakip na ang acts of lascivious conduct, nga may pyansa nga Php 200,000.00.
Sa subong, preso sa Dumarao Municipal Police Station ang suspek.
