-- ADVERTISEMENT --
Dakop ang isa sa ginakabig nga Top 8 most wanted person sa Regional Level matapos ginserbihan sang mandamiento de aresto sa Barangay Poblacion Ilaya, Panitan, Capiz.
Ang wala na ginhingadlan nga persona ang yara sa legal nga pang-edaron kag residente sang Barangay Intampilan Panitan Capiz..
Nagapangatubang sang kaso nga 3 counts sang Qualified Rape.
Ang warrant of arrest ang ginpapanaog kag ginpermahan ni Hon. Eric Anthony A. Dumpilo, sang Regional Trial Court Branch 14, Roxas City, Capiz, napetsahan Hulyo 10, 2024.
Wala naman sang piyansa nga ginrekomendar ang korte para sa temporaryo nga kahilwayan sang akusado.
-- ADVERTISEMENT --
Sa karon ginturn-over na ini sa Capiz Rehabilitation Center para sa nagakaigo nga disposisyon.
