ROXAS CITY – Nagtaas sa 14% ang tourist arrivals apisar nag-igo ang red tide sa probinsya sang Capiz sang 2023.
Suno kay Mr. Alphonsus D. Tesoro, pinuno sang Provincial Tourism and Cultural Affairs Office (PTCAO) yara sa 193,100 ang nag-abot sa probinsya mas mataas kumparar sa tuig 2022 nga yara lamang sa 169,668.
Ang nasambit nga datos ang pamatuod nga indi lamang seafoods ang mahimo mapabugal bangud madamo pa sang atraksyon nga makit-an sa Capiz.
Apisar temporaryo nga gindumilian ang mga panginhason bangud sa red tide, mahimo sa gihapon makaon ang iban nga seafoods nga swak gid sa luyag sang mga bisita kasubong sang pusit, alimango, lukon kag madamo pa.
Daku man nga bulig suno diri sa pagtaas sang tourist arrivals ang Maragtas Festival sa diin kada munisipalidad ginpasundayag ang ila talento kag tradisyon.
Nagalaum si Tesoro nga magluwas sa Seafood Capital of the Philippines makilala man ang probinsya bilang Festival Capital of the Philippines.
Pinaagi sini, ilabi nga magasanyog ang sector sang turismo sa Capiz.
