Ginpabugal ni U.S. President Donald Trump sa isa ka press conference sa NATO summit sa Brussels ang ginpatigayon nga airstrikes sang Amerika sa tatlo ka nuclear facilities sang Iran kun sa diin ginkumparar pa ini sa epekto sang pagbomba sa Hiroshima kag Nagasaki, Japan sang World War II nga nagresulta sang pagtapos sang gyera.
Suno kay Trump, apisar sang mga report nagikan sa U.S. Defense Intelligence Agency (DIA) nga ginapahayag wala naguba ang mga underground nuclear facilities sang Iran kag pila lang ka bulan nga nabalabagan ang nuclear program sini kag ginsiling nga ang strikes ang may malala nga epekto— ‘obliteration” ang nangin epekto sa Iran.
‘The intelligence says, ‘We don’t know, it could have been very severe.’ That’s what the intelligence says. So, I guess that’s correct, but I think we can take the ‘we don’t know.’ It was very severe. It was obliteration,’ siling ni Trump.
Hugot man nga ginpahayag sini nga ang intelligence nga ginpasa sa publiko ang indi kumpleto kag ang mga ginhimo nga report sang media nagtuga lang sang sala nga pag-intyende sa operasyon.
Sa pihak sang kontrobersya, ginduso sa gihapon ni Trump ang importansya sang pagpugong sa Iran sa pag-angkon sang mga nuclear weapon kag ginhatagan pagtamod nga magapadayon ang mga negosasyon agud masiguro ang kahandaaan sa nuclear program ng Iran.
Samtang, ginadayaw man ni Trump ang bag-o nga kasugtanan sa NATO, kun sa diin naghatag ang mga miyembro sang promisa nga ipasak ang ila nga budget sa defense tubtob 5%.
