UPDATE: Death toll sa wildfire sa Los Angeles, nagdangat na sa 24

Nagdangat na sa 24 katawo ang nadulaan sang kabuhi sa lapnagon nga wildfires sa Los Angeles, California USA.

Suno sa Los Angeles County coroner ukon medical examiner, 8 sa napatay ang nagikan sa wildfire nga nagluntad sa Palisades samtang 16 naman ang nagikan sa Eaton fire.

Ginalauman nga magataas pa ang nasambit nga numero sa tunga sang padayon nga pagpangita sang rescue teams kaupod ang cadaver dogs sa mga lugar nga apektado sang wildfire.

Yara sa 16 ka indibidwal naman ang nareport nga missing.

Kaangut sini, nagpahamtang naman ang mga awtoridad sang isa ka center kun sa diin mahimo nga ireport ang mga nadula.