Sulod na sa gold medal match ang USA men’s basketball team sa Paris Olympics matapos nga malusutan ang Serbia 95-91.
Nangin daku nga pagpanghangkat sa USA ang hampang bangud sa sugod pa lamang dominado na sang Serbia ang hampang.
Naglab-ot pa sa 17 ka puntos ang kalamangan sang Serbia kag sa pinaka-ulihi nga minuto sang last quarter ginpilit sang Olympics gold defending champion nga USA nga lagson.
Nangibabaw sa hampang si Golden State Warriors star Stephen Curry nga nagpagkit sang 36 ka puntos kag walo ka rebounds samtang si Joel Embiid ang may yara sang 19 ka puntos, walo ka rebounds kag si LeBron James ang may yara sang 16 ka puntos, 12 rebounds kag 10 assists.
Sa pagtapos lamang sang first half ang hawid pa sang Serbia 11 points nga kalamangan sa pagpanguna ni Aleksa Avramovic nga may yara sang 15 points kag Bogdan Bogdanovic nga may yara sang 12 points samtang si NIkola Jokic ang may yara sang nine points kag pito ka assists.
Sa last quarter gumana ang depensa sang USA kun sa diin may yara sang 7-0 run si Joel Embiid kag naggana ang three points shot ni Curry.
Bangud diri makasambuwa sang five-time Olympics gold medalist nga USA Team ang France samtang ang Serbia ang makuintra amo ang Germany para sa bronze medal game.
