Naghabok sa bag-o nga record high ang utang sang gobyerno sang Pilipinas sang katapusan sang tuig 2024 bangud sa paghina sang ekonomiya, suno sa datos nga ginpaguha sang Bureau of the Treasury.
Ang nasambit nga utang ang nagdangat sa kapin P16.5 trillion, nagtaas sang 9.8% ukon P1.44 trillion, gikan sa P14.62 trillion sang katapusan sang tuig 2023.
Ginpahayag sang Treasury nga ang bulanan nga pagtaas sa stock sang utang sang gobyerno ang nagapaidalom sa net issuance kag availment sang domestic kag external debt.
Subong man ang revaluation effect sang peso depreciation batuk sa US dollar.
Ang domestic debt sang pungsod ang nagdangat sa P10.93 trillion, nagtaas sang 9.1% gikan sa P912.49 billion sang nakaligad nga tuig sang mag-isyu ang gobyerno sang mga debt securities agud padakuon ang kaban sini.
Bangud sini, ang debt-to-GDP ratio ang nagdangat sa 60.7%, sobra sa gintalana nga target nga 60.6 sang gobyerno sa idalom sang Medium-Term Fiscal Framework.
Samtang, ang external debt naman ang nagapabilin nga 11.4% tubtob P5.12 trillion nagikan sa P522.55 billion increase tuga sang debt availments kag paghina sang piso kontra dolyar.
Apang, ang guaranteed obligations sang gobyerno naman ang nagnubo sang P346.66 billion.
