Naglab-ot na sa P17 trillion ang kabug-usan nga utang sang Pilipinas.
Suno sa Bureau of Treasury (BTr), ang nasambit nga numero nabalhag sadtong Hunyo kun sa diin ini ang bangud sa mataas nga local borrowing agud mmapun-an ang ginatawag nga fiscal shortfall.
May na-record nga 2.1 percent kada bulan nga pagtaas ang utang sang pungsod tubtob naglab-ot sa P17.27-T nga bag-o nga record high.
Dugang pa sang BTr nga sa umpisa sang tuig ang utang nagtaas sang 7.6 percent ukon P1.2 trillion.
Base sa datos sang ahensiya, ang domestic borrowing nagtaas sang 1.4 percent ukon katumbas sang P11.95 trillion.
Samtang ang external debt nagtaas sang 3.5 percent ukon katumbas sang P5.32 trillion.
Ginkuha naman sang BT rang kahangawa sang publiko nga apisar nga nagtaas ang utang, nagapabilin nga sustainable sa gihapon ang gobyerno.