Matapos ang 16 ka bulan nga pagpahuway kag problema sa ikaayong-lawas, preparado na liwat nga magtapak sa court si Venus Williams, 45-anyos, sa iya nga pagbalik sa Citi Open sa Hulyo 22.
Magabaton siya sang wild card entry sa WTA 500 tournament kag makasumpong ang kapareho Amerikana nga si Peyton Stearns sa iya una nga hampang.
Ini ang una nga WTA appearance ni Williams gikan sa 2024 Miami Open, matapos siya nga nagpaidalom sa operasyon para sa fibroids. Apisar nga indi na siya regular sa tour, mapisan siya nga nag-training sa hard courts —ang paborito niya nga surface.
Ang iya ulihi nga daog amo ang sang Agosto 2023 sa Cincinnati Open kontra kay Veronika Kudermetova sang Russia. Halin 2019, 37 na lang ang iya nahampang nga matches, kag pito lang ang iyang napauli nga kadalag-an.
Apisar talagsa na siya nga makita sa full season, nagapabilin nga isa sa pinakamabakod kag respetado nga pangalan sa tennis, kag ang iya nga pagbalik ang importante nga hitabo para sa bug-os nga tennis community.
