Nabaton na sang Villar Land Holdings Corporation kag mga opisyal sini ang mga mando nagikan sa Securities and Exchange Commission (SEC) nga magbayad sang P12 milyon bilang multa sa baylo nga dagdagan sang suspensyon sang ila nga Registration Statement kag Permit to Offer and Sell Securities.
Nahibaluan nga ginmanduan sila nga magbayad sang P2,000 nga multa kada adlaw sang pagka-delay umpisa sang Hulyo 1, 2025 tubtob sa masumiter ang Annual Report kag Q1 2025 Quarterly Report.
Ginmanduan man sila sang SEC nga magpaathag kaanggot sang ginapahayag paglapas sa Securities Regulation Code, Financial Products and Services Consumer Protection Act, kag Revised Corporation Code.
Samtang, bukas man ang Villar Land sa kahigayunan nga mapaathag ang ila nga bahin kag nakatalana nga magsabat sa mandato sang SEC.
Gin-athag man sang kompaniya nga ang pagka-delay sa pagsumiter sang mga report ang indi bangud sa pagpamalibad sang external auditor, kundi sa paliwat-liwat sini nga hingyo para sa dugang nga audit procedures.
Apisar nga nagapati ang Villar Land nga ang fair value sang mga propedad sa Villar City ang kinahanglan ipakita sa financial statements, nagpasugot sila nga gamiton ang cost basis agud mapadasig ang pagguwa sang 2024 Audited Financial Statements.
