Ginpaidalom sa red kag yellow alert status ang Visayas power grid subong nga adlaw bangud sa kulang nga supply sang kuryente kag mataas nga demand.
Sa interview sang Bombo Radyo kay Mr. Reagahn Alcantara, Lead specialist sang Public Relations Department sang National Grid Corporation of the Philippines (NGCP), iya ginpahayag nga ginalauman nga ipaidalom sa red alert ang Visayas grid halin alas 6 sang gab-i tubtob alas 8 sang gab-i.
Ipaidalom man ini sa yellow alert halin alas 2 sang hapon tubtob alas 6 sang gab-i kag halin alas 8 sang gab-i tubtob alas 9 sang gab-i.
Suno kay Alcantara, may yara sang available capacity nga 2,283 megawatts ang grid, samtang ang peal demand ang ginalauman nga maglab-ot sa 2,360 megawatts.
Pila ka mga power plants ang unavailable subong ukon naga-operate sang manubo sa kapasidad.
Pahayag niya, mangin ang power supply nagikan sa Mindanao ang limitado man bangud sa maintenance work.
Panugyan sang natungdan sa mga konsumidor sa Visayas, magkinot sang kuryente, ilabi na sa peak hours samtang nagapabilin nga manubo ang supply sang kuryente.
