Ginalantaw nga wage erosion ang isa sa mga rason sang pag-file sang wage hike petition sang United Labor Panay sa Regional Tripartite Wages and Productivity Board (RTWPB) 6.
Ang wage erosion amo ang pagnubo sang balor sang sweldo bangud sa padayon nga pagsaka sang presyo sang mga balaklon.
Sa interview sang Bombo Radyo kay Mr. Elmer Forro, spokesperson sang United Labor Panay, iya ginpahayag nga nag-file sila sang P250 nga pagsaka sa minimum wage sa Western Visayas.
Suno kay Forro, ang ₱550 nga minimum wage ang indi kaigo para para sa mga kinahanglanon sa matag-adlaw sang mga pumuluyo.
Dugang pa Forro, madamo nga mga pamilya ang yara sa below poverty threshold ukon nagaantos sa kapigaduhon.
Samtang, nagalaom ang grupo nga maaprobahan ang ila gin-file nga petition agud mabuligan ang mga mamumugon sa rehiyon.
