VATICAN – Wala pa sang bag-o nga Santo Papa sang Simbahan Katoliko ang napilian sa ikatatlo nga balota sang papal conclave subong nga adlaw, Huwebes, Mayo 8.
Ini matapos nga nagguwa ang itom nga aso sa tsimenea sang Sistine Chapel, patimaan nga wala pa nakapili ang mga kardinal.
Ginsunog nila ang mga balota kag ginmikslahan sang mga kemikal agud ipakita ang proseso kun sa diin ang itom nga aso isa ka patimaan nga wala pa sangmay napiliian nga Santo Papa, apang sa tion nga magguwa ang puti nga aso isa ini ka patimaan nga may napilian nga bag-o nga pontiff.
Kahapon, Mayo 7, ginsuguran sang kabug-usan nga 133 ka mga cardinal nga naga-edad 80 panubo ang proseso sa pagpili sang ika-267 nga Santo Papa ukon magabulos sa nagtaliwan nga Santo Papa Francis.
Ang mga kardinal nagahanda para sa masunod nga pagboto.
Ang mga kardinal ukon “mga prinsipe sang Simbahan” may kahigayunan nga magboto tubtob sa apat ka beses tubtob nga ang isa ka kandidato sang papa makakuha sang duha ka-katlo nga mayoriya nga boto.
Sa St. Peter’s Square, linibo ka mga tumuluo ang mapailubon nga nagahulat sa paggwa sang aso gikan sa kapilya para sa pag-anunsyo sang bag-o nga Santo Papa.
