Generally peaceful ang ginpatigayon nga mga hublag-protesta angut sa ika-39 nga anibersaryo sang EDSA People Power.
Suno kay Philippine National Police (PNP) PIO Chief PCol. Randulf Tuaño, naglab-ot sa 51,172 nga mga kapulisan ang ginpalapta sa bilog nga pungsod agud siguruhon ang seguridad kag kaayuhan sang publiko.
Pahayag ni Tuaño, sa Metro Manila pa lamang may yara na sang 8,747 nga kapulisan ang ginpalapta sa lugar samtang ang nagkalain-lain nga Regional Police Offices ang nagtalana sang mga empleyado agud subaybayan ang mga aktibidad kag malikawan ang anu man nga problema sa seguridad.
Pila sa mga nagahublag-protesta sa People Power Monument ang mga empleyado, estudyante kag mga progresibo nga grupo kung sa diin ginasinggitan sang mga ini ang gilayon nga pagpahalin sa pwesto kay Vice President Sara Duterte kag ang pagpasabat sa ila mga
kapalpakan ni Pangulong Ferdinand Marcos Jr.
