Gamiton pang-allowance sa trabaho sang 1st prize winner sang Weekly draw sang Swerte sa Palengke 2026 ang iya P5,000 nga nabaton nga premyo.
Sa interview sang Bombo Radyo kay Gemaima Alcantara sang Barangay Dumolog, Roxas City, iya ginpahayag nga efficascent oil ang gingamit niya nga proof of purchase.
Suno sa iya, dako gid nga bulig ang P5,000 nga cash prize bangud magluwas nga pang allowance, ibakal niya ini sang dugang nga kinahanglanon sa sulod balay nga mahimo maggamit naman bilang valid entry.
Nagapasalamat ang tagdaog sa Bombo Radyo kag Star FM sa paghimo sang promo nga nagabulig sa mga pumuluyo sang Capiz.
Malipayon man nga nabaton sang 2nd winner nga si Avelina Clarito sang Barangay New Road Mongpong, Roxas City, ang P4,000 nga premyo.
Siya ang naggamit sang San Miguel Pale Pilsen bilang proof of purchase.
Samtang, ginaagda naman sang 3rd winner nga si Charisse Anne Jamison sang Barangay Tanque, Roxas City, ang iya mga kabarangay nga mag-intra man sa Swerte sa Palengke 2026 agud mangin tagdaog man kaangay niya.
Siya ang naggamit sang Gardenia bilang proof of purchase kag nagbaton sang P3,000 nga premyo.
Mas madamo pa nga mga proof of purchase ang ihulog sang mga consolation prize winners sang Swerte sa Palengke 2026 samtang nagahilapit ang grand draw.
Sa interview sang Bombo Radyo kay Gloria Dela Torre sang Barangay Poblacion, President Roxas, Capiz, iya ginpahayag nga ang proof of purchase nga iya gingamit subong amo ang efficascent oil.
Suno kay Dela Torre, ang P1,000 nga premyo nga iya nabaton ang ibakal niya sang iban pa gid nga mga product sponsors sang Bombo Radyo kag Star FM.
Nagapasalamat ini sa Bombo Radyo Philippines sa tuigan nga mga promo nga ginapasakupan sang madamo nga mga listeners kag viewers.
Samtang, nagbaton man sang tag-P1,000 sanday Lorena Ballos sang Barangay Tacas, Pontevedra, Capiz nga naggamit sang efficascent oil bilang proof of purchase kag Susana Mateo sang Barangay Dinginan, Roxas City nga naggamit sang San Miguel Pale Pilsen bilang proof of purchase.
Ang pag-award sa mga winners sang Weekly Draw sang Swerte sa Palengke 2026 ang ginhimo nga dululongan sa tanan nga 25 key areas nationwide.
