Ginbuhinan sang World Bank ang ila growth forecast para sa Pilipinas subong nga tuig sa 3.7%, mas manubo sa nauna nga forecast sini nga 5.3% sang Enero.
Ang downgrade bangud sa epekto sang giyera sa Middle East, ilabi na sa energy imports kag remittances, sa diin 18% sang remittances ang naghalin sa mga pungsod sa Gulf.
Ang bag-o nga forecast mas manubo man kun ipaanggid sa target sang gobyerno nga 5-6% para sa Gross Domestic Product (GDP)sang pungsod. Kon magpadayon ini, mangin mas mahinay ini kun ipaanggid sa 4.4 % nga pag-uswag sang 2024.
Ginalauman sang World Bank nga ang pag-uswag magalab-ot sa 5.6% sa 2027, nga yara sa sulod sang target sang gobyerno para sa masunod nga tuig.
Suno kay DEPDev Secretary Arsenio Balisacan, posible nga magnubo pa gid ang growth sa 3.5% kon magpadayon ang mataas nga presyo sang langis.
Samtang, ang Philippine Statistics Authority maga-release man sang first-quarter economic data sa masunod nga bulan.
