𝗣𝗶𝗹𝗮 𝗸𝗮 𝗴𝗿𝘂𝗽𝗼 𝗻𝗮𝗴𝗽𝗮𝘁𝗶𝗴𝗮𝘆𝗼𝗻 𝘀𝗮𝗻𝗴 𝗵𝘂𝗯𝗹𝗮𝗴-𝗽𝗿𝗼𝘁𝗲𝘀𝘁𝗮 𝘀𝗮 𝘀𝘆𝘂𝗱𝗮𝗱 𝘀𝗮𝗻𝗴 𝗥𝗼𝘅𝗮𝘀 𝗸𝗮𝗮𝗻𝗴𝘂𝘁 𝘀𝗮 𝗶𝘀𝘆𝘂 𝗮𝗻𝗴 𝗸𝘂𝗿𝗮𝗽𝘀𝘆𝗼𝗻.

Nagpatigayon sang hublag-protesta ang pila ka mga grupo sa syudad sang Roxas kaangay sang Kabataan Capiz,Alliance of Concerned Teachers, Amihan Capiz, Kadamay, Anak Bayan kag Gabriela Capiz.

Sa interview sang Bombo Radyo kay Darlene Blando Surriga sang Alliance of Concerned Teachers (ACT),iya ginpahayag nga nagpatigayon sila sang hublag agud ipanawagan sa gobyerno nga untaton na ang kurapsyon sa pungsod.

Suno pa kay Blando, ang tanan nga mga manunudlo kag iban pa nga teaching personnel ang mangin aligmat kag vigilante sa pagbantay kag pagtapna sang mga maanomaliya nga ila makita.

Ginpanawagan man sini ang mga yara sa mataas nga posisyon nga dapat seryosohon ang pag atubang sang sini nga kawsa sa pag-untat kag pagpanabat sang mga nag-ubra sang kapalpakan agud mangin maayo man ang dangtan sang mga masunod nga mga henerasyon.