ROXAS CITY – Patay ang isa ka lalaki samtang pilason naman ang isa niya ka upod matapos naaksidente ang ginasakyan nga motorsiklo sa Arnaldo Blvd, Roxas City.
Ginkilala ang napatay nga si Ben Valenzuela, 24 anyos, residente sang Barangay Culasi samtang pilason naman ang backrider sini nga si Romel Gallego.
Ba-se sa inisyal nga imbestigasyon, samtang ginasubay sang duha ang karsada sakay sa motorsiklo nga ginamaneho ni Valenzuela, ila nabungguan ang nahamtang nga signage sa dalan.
Naapok sa dalan si Gallego rason nga nag angkon ini sang magkatuhay nga kasamaran sa lawas samtang nag-angkon naman sang patal nga pilas sa ulo si Valenzuela matapos nagbunggo sa signage nga gintunaan sang iya nga kamatayon.
Gindala pa sa ospital si Valenzela apang gindeklarar nga dead-on-arrival.
Nagapabilin naman sa Roxas Memorial Provincial Hospital si Gallego kag padayon nga ginabulong.
Mahibaluan nga lunsay yara sa impluwensiya sang makahulubog nga ilimnon ang duha sang natabo ang aksidente.
