ROXAS CITY – Ginpanginwala sang isa sa lima ka mga suspek sa pagpanghimulos sa 16-anyos nga dalagita nga ginhimuslan sini si alyas Marie.
Sa interview sang Bombo Radyo Roxas kay Cyril, 18-anyos kag barkada sang biktima ginpahayag sini nga wala sang penetration nga nangyari bangud wala nila ma-rape ang Grade 10 student, kabaliskaran sa nangin akusasyon sang biktima kag abyan nga si Che Che.
Apang gin-ako ni Cyril nga siya ang naghuba sang shorts sang biktima kag gin-uyatan sini ang pila ka parte sang lawas ni Alyas Marie nga wala man sini nakitaan sang pagpamatuk.
Nagpanindugan si Cyril nga wala siya sang plano nga malain sa abyan, apang nahimo lamang sini nga hubaon ang shorts ni Marie, bangud yara ini sa impluwensiya sang makahulubog nga ilimnon.
Samtang suno kay Cyril nakita sini nga nagatungton sa abyan ang 14-anyos nga si Jud kag ginauyatan sang iban nga lalaki ang kamot kag tiil sang biktima agud indi ini makahulag.
