ROXAS CITY -Ginkompirmar sang pamunuan sang Panay Island Transport Service Cooperative nga may yara sang 10 ka mga unit sang mga mini buses nga natalana nga magbiyahe sa siyudad.
Suno kay Ester Montanejos,Chairperson sang Panay Island Transport Service Cooperative nga may yara sang 10 ka mga unit sang mga mini buses nga Maldita Group nga 5 ka mga units ang magabiyahe sa Roxas City Integrated Transport Terminal – Dumulog vice versa kag 5 man ka mga units ang magabiyahe halin sa Roxas City Integrated Transport Terminal- Barra vice versa.
Gindugang pa ni Montanejos nga ang pasamahe sini ang kaparehu man sa pamasahe sang mga mini buses sang pueblo de panay apang wala pa sang pat-ud nga adlaw kun san-o mabiyahe ang ila mga units.
May yara man sang posibilidad suno pa sa kay Montanejos, nga madugangan ang 10 ka mga unit nga magabiyahe sa iban nga ruta sa siyudad.
Samtang ginpasalig ni Montanejos nga may yara sang prangkisa ang mga units nga natalana magbiyahe sa siyudad.
