-- ADVERTISEMENT --
ROXAS CITY – Naglab-o sa 15 ka mga katapo sang Capiz Police Provincial Office ang ginpaidalom sa home quarantine matapos nga naka-close contact kay Police Colonel Julio Gustilo nga nagpositibo sa COVID-19.
Sa pagpangusisa sang Bombo Radyo, 14 ka mga lalaki nga pulis kag isa ka police woman ang ginpaidalom sa home quarantine.
Natalana naman nga ipaidalom sa Real-Time Polymerase Chain Reaction Test ukon RT-PCR test ang nasambit nga mga kapulisan.
Samtang nagapabilin sa gihapon nga asymptomatic si Gustilo samtang nakapaidalom ini sa home quarantine.
Sa karon naga-akto bilang provincial director si Police Lieutenant Colonel Orley Gabinite samtang ginaquarantine ang amo nga opisyal.
-- ADVERTISEMENT --
