-- ADVERTISEMENT --
Nagsugod na ang dredging operation sa Sitio Quiabog sa brgy. Loctugan Roxas City.
Mahibaloan nga ang amu nga lugar ang isa sa mga permi ginabaha kun may bagyo ukon mabaskog nga ulan.
Bangud sini, nagsugod na ang City Engineers kag Equipment Pool Division sang dredging kag desilting operation sa suba sang Quiabog pakadto sa Cabugao kag San Jose.
Ang DPWH naman nagapadayon sang trabaho sa masiut nga bahin sang suba padulong sa Barangay Bolo.
Samtang, Kabahin naman ini sang Oplan Anti-Flood Program sang syudad sang Roxas nga may katuyuan nga masolbar kag mapakunhod ang pagbaha sa pila ka mga barangay kag kabalayan.
-- ADVERTISEMENT --
