ROXAS CITY-Nagreklamo sa mga kapulisan ang 14-anyos nga babayi matapos nga ginaalegar gin-ibugaw sang wala matumod nga babayi nga nakakilala sini sa facebook sa isa ka barangay diri sa siyudad sang Roxas.
Sa panaysayon ni Alyas Mae nga tuman ang kakibot sini sang nagchat sa iya ang isa ka babayi nga nagpakilala nga si Alyas Lie kag nagtanyag sang pagkighilawas sang ila customer kabaylo sang P1,500 nga kantidad.
Suno pa sa kay Alyas Mae nga maayo makig-istorya si Alyas Mae nga naglab-ut sa pundo nga wala sini matalupangdan nga ginakuha na ang iya sini nga buot.
Apang lipod sa ihibalo sang bugaw, nagsugid na ini sa tiyo nga tanod nga gilayon man nga nakig-angut sa mga awtoridad.
Bangod sa ginmanduan sa ginmanduan ini sang mga awtoridad nga makig-angut sa bugaw, nagsugot ini nga makigtransakyon sa nasambit nga bugaw.
Ginkakibot ni si Alyas Mae may ara sang lalaki nga nahinali nga nagchat sa iya nga ginpatihan sini nga kustomer nga nagpakilala nga si Alyas Lawrence.
Gindugang pa sang biktima nga madamo sang ginpamangkot ang si Alyas Lawrence kalakip na ang pagpangayo sa iya sang mga malaswa nga mga laragway.
Nakita man sini ang mga laragway sang iban pa nga menor edad nga ginabaligya kag ginabugaw ni Alyas Lie.
Luyag ni Alyas Mae nga madakop ang nasambit nga bugaw kalakip ang kustomer nga nag-chat sa iya.
Sa karon nagapadayon ang imbestigasyon sang mga kapulisan agud matumod ang bugaw kag nasambit nga kustomer.
