17 ka tawo, patay sa nagluntad nga kinagamo sa sulod sang prisuhan sa Ecuador

Naglab-ot sa 17 ang napatay matapos nga nagluntad ang kinagamo sa isa ka prisuhan sa Ecuador.

Ini na ang ikaduha nga maduguon nga kinagamo sa pungsod sa sulod lamang sang isa ka semana.

Natabo ang insidente sa prisuhan sang Esmeraldas City malapit sa border sang Colombia.

Narekober sang mga otoridad ang apat ka mga preso nga wala na sang kabuhi sa sulod sang ila selda.

Madumduman nga sang nagligad nga semana, nagluntad ang kinagamo sang mga gangs nga napreso sa southern Ecuador nga nagresulta sa kamatayon sang 14 ka tawo.