-- ADVERTISEMENT --
ROXAS CITY – Arestado ang isa ka lalaki matapos ginkasahan sang Entrapment Operation sang mga katapo sang Criminal Investigation and Detection Group (CIDG) sa Barangay Tiza, Roxas City pasado ala-una sang kaaganhon.
Ginkilala ang suspek kay Kent Torres Villanueva, 18 anyos residente sang Barangay Libas sining syudad.
Nakuha sa posisyon sang suspek ang isa ka unit sang 38 Caliber nga armas-luthang kag may 3 ka mga bala.
Nahibaluan nga ang suspetsado ang bag-o lang nakaguwa sa presohan sa kaso nga pagpangawat.
Sa karon, yara na sa kustodiya sang CIDG-Capiz si Villanueva kag magapangatubang ini sang kaso nga paglapas sa RA 10591 ukon Comprehensive Firearms and Ammunition Regulation Act.
-- ADVERTISEMENT --
