May yara sang 19 ka lugar sa pungsod ang yara sa “danger level” sang heat index.
Suno sa Philippine Atmospheric, Geophysical and Astronomical Services Administration (Pagasa), mahimo nga maka-eksperyensya sang tubtob 44 degrees Celsius nga kainit ang syudad sang Dagupan sa probinsya sang Pangasinan.
Samtang ginalauman nga magalab-ot sa 43 degrees Celsius ang temperatura sa mga lugar sang Sangley Point, Cavite City; Virac, Catanduanes kag Butuan City, Agusan del Norte.
Ang mga lugar nga maka-eksperyensya sang temperatura nga tubtob sa 42 degrees Celsius amo ang: Echague, Isabela; Iban pa nga sakop sang Zambales; Cubi Pt., Subic Bay, syudad sang Olongapo; San Ildefonso, Bulacan; Camiling, Tarlac; Cuyo, Palawan; Roxas City, Capiz; Syudad sang Iloilo; Panglao International Airport, Bohol; Catarman, Northern Samar kag Dipolog, Zamboanga del Sur.
Sa Metro Manila, ginalauman nga magalab-ot sa 41 degrees Celsius ang temperatura sa Ninoy Aquino International Airport (NAIA) sa Pasay City kag 40 degrees Celsius sa Science Garden sa Quezon City.
Ang temperatura sa tunga sang 42 kag 51 degrees Celsius ang ginakabig sa karon sang PAGASA nga yara sa danger category samtang yara naman sa “extreme caution” category ang yara sa tunga sang 33 degrees Celsius kag 41 degrees Celsius.
