MAAYON, CAPIZ – Pilason ang duha ka mga lalaki kag isa ka menor de edad matapos nagbungguanay ang duha ka motorsiklo sa Barangay Indayagan, Maayon, Capiz.
Base sa inisyal nga imbestigasyon sang Maayon PNP nga nagasundanay ang duha ka mga motorsiklo sang aksidente na lamang nabungguan ni Jude Mark Basibas, 18-anyos sang nasambit nga lugar ang motorsiklo nga ginamaneho naman ni Joemarie Dolfo 19-anyos sang Barangay Balighot, Maayon.
Mahibaluan nga naggikan ang duha ka mga motorsiklo sa eskwelahan sa nasambit nga banwa.
Nagaguwa sa imbestigasyon sang mga kapulisan nga posible madasig ang pagpadalagan sang duha ka mga motorsiklo rason nga nagbungguanay ang mga ini.
Bangud diri, nag-angkon sang mga kasamaran sa lawas ang mga biktima.
Gilayon naman nga gindala ang mga biktima sa ospital agud dapatan sang nagakaigo nga pagbulong.
