ROXAS CITY – Nag-angkon sang mga pilas sa magkatuhay nga parte sang lawas ang duha ka mga menor de edad matapos nga ginaalegar ginbungguan sang isa ka motorsiklo sa atubang sang eskwelahan sa Barangay Tanque, Roxas City.
Ang nasambit nga mga biktima ang lunsay nagaedad sang 11-anyos kag mga grade 6 pupil.
Sandig sa ginpabalhag ni Peter Paul Fuentes, 44 anyos sang Barangay Tiza sining syudad kag amay sang isa sa mga biktima nga samtang nagatabuk ang iya nga anak upod ang classmate sini sang aksidente na lamang sila nga nabungguan sang motorsiklo nga ginamaneho ni Aquino Javier Jr., 50 anyos sang Barangay Yatingan, Pontevedra, Capiz.
Nag-angkon naman sang mga kasamaran sa nawala kag tuo nga kamot ang anak sang tagreklamo samtang pilas naman sa tuhod ang naangkon sang isa ka upod sang biktima nga gilayon naman nga gindapatan sang nagakaigo nga pagbulong.
