2 pilason sa pagbungguanay sang duha ka motorsiklo sa Maayon

MAAYON, CAPIZ – Padayon nga ginabulong sa ospital ang duha ka mga persona matapos ang nagluntad nga pagbungguanay sang duha ka motorsiklo sa Barangay West Villaflores, Maayon, Capiz.

Nag-angkon sang mga kasamaran sa lawas ang 65-anyos nga anay punong barangay nga si Patrocinyo Miranda sang nasambit nga lugar nga ginaalegar aksidente nga nabungguan sang isa ka motorsiklo nga ginamaneho sang isa ka estudyante nga si Justine Chavaso sang Barangay Putian, Cuartero matapos nga nadulaan ini sang kontrol sa iya manubela.

Bangud diri, natumba ang duha ka mga motorsiklo rason nga nag-angkon sang mga pilas sa lawas ang duha nga gilayon naman gindala sa ospital agud dapatan sang nagakaigo nga pagbulong.