ROXAS CITY – Dakop ang isa ka 21 anyos nga lalaki sa drug buybust operation nga ginkasa sang Provincial Drug Enforcement Unit sang Capiz Police Provincial Office sa Barangay Culasi, Roxas City.
Ginkilala ang nadakpan nga si John Mark Ondillo, residente sang Barangay Tanque, sining siyudad.
Narekober sa posesyon sang drug suspek ang 3 ka sachets sang ginapatihan shabu, P15, 000 nga boodle money, P500 nga buybust money, cellphone, wallet, P100 nga cash kag isa ka motorsiklo.
Suno kay Police Lieutenant Mark Anthony Garcia, pinuno sang PDEU sang Capiz PPO, duha tubtob tatlo ka semana nila nga gin-monitor si Ondillo antes ginkasa ang nasambit nga operasyon.
Ginpahayag pa sini nga yara man sa Directorate for Intelligence (DI) list ang nadakpan nga drug suspek.
Sa karon nakaaresto na si Ondillo kag natalana nga pasakaan sang panumbungon nga paglapas sa Republic Act 9165 ukon Comprehensive Dangerous Drugs Act of 2002.
