23 anyos nga lalaki, arestado matapos mag-order sang 300 ka pizza gamit ang lainlain nga identities

Arestado ang sisa ka 23-anyos nga lalaki sa Poland matapos mag-order sang 300 ka pizza nga nagabalor sang masobra P600,000 gamit ang nagkalain-lain nga identity sang iban nga tawo.

Suno sa kapulisan, nag-order ini sang mga pizza sa nagkalain-lain nga address kag may kaupod pa nga mga pagpamahog, lakip ang pagkidnap, pagsunog sang establisyemento kag pagpatuga sang aksidente.

Gin-raid sang mga otoridad ang iya ginatiniran kag ginkuha ang mga cellphone, computer kag iban pa nga devices nga ginapatihan gin-gamit sa iya mga order.

Kon mapamatud-an ang mga kaso batok sa iya, mahimo ini mapriso tubtob walo ka tuig, samtang padayon pa ang imbestigasyon sang mga otoridad sa motibo sini.