24-anyos nga lalaki, arestado sa banwa sang Maayon

ROXAS CITY – Arestado ang 24-anyos nga lalaki matapos nga serbihan sang warrant of arrest sang mga kapulisan sa banwa sang Maayon.

Ginkilala ang arestado kay Noly Buhayan Y Navarro, residente sang Brgy. Quevedo, Maayon, Capiz.

Nagapangatubang si Buhayan sa kaso nga paglapas sa RA 9262 ukon “Anti-Violence Against Women and Their Children Act of 2004.

Ang nasambitan nga warrant ang ginpirmahan kag ginpapanaug ni Hon. Mildred Jacinto Marquez, Presiding Judge, National Capital Region, Branch 2, Las Piñas City napetsahan Pebrero. 23, 2022.

Ginrekomendar sang korte ang P72,000 nga piyansa para sa temporaryo nga kahilwayan sang akusado.Sa karon, yara ini sa kustodiya sang Maayon MPS para sa nagakaigo nga disposisyon.