ROXAS CITY – Nagpa-blotter sa Roxas City Police Station ang isa ka babaye matapos nga ginaguba sang isa man ka babaye sa social media site nga Facebook ang iya nga iloy.
Ang tagreklamo ang ginkilala nga si Catherine Grace Dela Peña, 29 anyos sang Barangay Sibaguan, Roxas City.
Base sa ginpabalhag ni Dela Peña, ginapakamalaut ni Jane Dela Cruz ang iya iloy kag ginapost pa ang picture sini sa Facebook.
Suno diri nga gin-caption ni Dela Cruz nga nagapaandam ini sa publiko natuhoy sa iya iloy nga yara sa Singapore bangud ginaalegar nga sa pagpauli sini, mahimo siya makalaton sang coronavirus disease.
Apang panindugan ni Dela Peña nga lunsay wala sang kamatuoran ang mga ginpost ni Dela Cruz.
Bangud diri, ginpakamaayo na lamang sini nga ipabalhag sa pulisya ang natabo.
