PILAR, CAPIZ – Nag-angkon sang mga kasamaran sa lawas ang tatlo ka mga persona matapos nagbungguanay ang duha ka motorsiklo sa Sta Fe, Pilar, Capiz.
Base sa inisyal nga imbestigasyon sang Pilar PNP nga samtang ginasubay ni Edgar Agtas 41-anyos sang Barangay Casanayan, Pilar sakay sa iya motorsiklo ang nasambit nga dalanon kag paguwa na kuntani sa highway sang hinali na lamang nga nagpang-agaw sang linya kag aksidente nga nabungguan sang motorsiklo nga ginamaneho naman ni Prince John Hardinaso 26-anyos sang Balasan, Iloilo kaupod ang backrider nga si Anthony Buenvenida.
Bangud diri, natumba ang duha ka motorsiklo kag nag-angkon sang mga pilas sa lawas ang tatlo kag gilayon nga gindala sa Jesus Colmenares District Hospital agud dapatan sang nagakaigo nga pagbulong.
