ROXAS CITY – Patay ang tatlo ka mga indibidwal samtang pilason naman ang isa pa ka persona matapos ang pagbungguanay sang motorsiklo kag tricycle sa Barangay Panian, Estancia, Iloilo.
Ginkilala ang napatay nga mga biktima nga sanday Alvin Dela Cruz, 28 anyos, residente sang Batad, Iloilo, driver sang motorsiklo, backrider sini nga si Rustom Arostique, 32 anyos sang Barangay Canapian, Maayon, Capiz kag pasahero sang tricycle nga si Marilyn Duran, 56 anyos sang Barangay Marita, President Roxas, Capiz.
Samtang, nag-angkon naman sang menor nga kasamaran sa lawas ang bana ni Duran nga nagamaneho sang tricycle nga si Danilo Duran, 60 anyos kag padayon sa karon nga ginabulong sa ospital.
Base sa inisyal nga imbestigasyon, nagpang-agaw sang linya ang motorsiklo nga ginamaneho ni Dela Cruz rason nga aksidente sini nga nabungguan ang kasugata nga tricycle nga ginamaneho ni Danilo.
Bangud diri, ginapahayag nga nag-angkon sang patal nga pilas sa ulo ang napatay nga mga biktima nga gintunaan sang ila nga kamatayon.
