ROXAS CITY-Pilason ang tatlo ka mga persona matapos nga nagbungguanay ang duha ka mga motorsiklo sa Barangay Cabugao Oeste, Panay Capiz.
Ginkilala ang biktima nga sanday Josephine Adremisen 36-anyos kag backrider sini nga Elma Espera 64-anyos nga lunsay mga residente sang Barangay Bato sang nasambit nga banwa.
Sa inisyal nga imbestigasyon sang Panay Municipal Police Station nagaguwa nga samtang ginasubay sang mga biktima ang amo nga dalanon aksidente na lamang ini nabungguan sang motorsiklo nga ginamaneho ni Melvin Jay Seraspe 23-anyos isa ka manunudlo kag residente sang Barangay Tiza sining siyudad.
Nag-angkon naman sang pilas sa magkatuhay nga porsyon sang kalawasan ang tatlo ka mga persona nga lunsay naman gindala sa pinakamalapit nga ospital.
Nagapadayon naman ang imbestigasyon sang mga kapulisan sa banwa sang Panay, Capiz.
